Golfklúbburinn Dalbúi

Meistaramót Dalbúa 2021 verður laugardaginn 10. júlí og 11. júlí. Ræst verður út af fyrsta teig kl. 10:00. Skráningu lýkur kl. 18:00 föstudaginn 9. júlí.

Skráning á mótið er hérna: GolfBox Tournament

Jónsmessumót golfklúbbsins Dalbúa og Krambúðarinnar fór fram föstudaginn 2. júlí. kl. 20:00. Búið var að lofa góðu veðri eftir að við þurfum að fresta móti um viku vegna veðurs en aðstæður voru góðar og skemmtilegt að spila inn í bjarta sumarnótt og klára í kringum miðnættið. Leikið var eftir Greensome fyrirkomulagi.

Úrslit mótsins voru þannig að Árni Jóhannes Valsson og Birgir Ari Hilmarsson voru í 1. sæti, í 2. sæti voru Björn Vilhelmsson og Laufey Erlendsdóttir og í 3. sæti voru Anna Svandís Helgadóttir og Snæbjörn Stefánsson. Önnur úrslit voru svo að Jóna Hjálmarsdóttir var með lengsta högg kvenna á þriðju braut en Björn Vilhjálmsson var með lengsta högg hjá körlum. Árni Jóhannes Valsson var svo næstur holu á 5. braut (2,7m) og Ragnar Haraldsson á 8. braut (36 cm). Einnig var dregið úr nöfnum þátttakenda um 8 x 10.000 króna gjafakort frá Samkaup / Krambúðinni

Stjórn og mótanefnd GD þakkar öllum sem tóku þátt og þakkar Krambúðinni, sem var aðal styrktaraðili mótsins kærlega fyrir stuðninginn. Það er ljóst að þetta mót og þetta fyrirkomulag mótsins er komið til þess að vera.

Við minnum svo á Meistaramót GD sem fram fer 10 og 11. júlí.

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

Skráning í Jónsmessumót Golfklúbbsins Dalbúa / Krambúðarinnar er til hádegis á morgun en við ræsum út kl. 20:00 annað kvöld.

Okkur er lofað góðu veðri og við lofum frábærum félagsskap.

Hér er hægt að skrá sig: GolfBox Tournament

Þá er aftur komið að skráningu í Jónsmessumót Dalbúa og Krambúðarinnar sem við neyddumst til þess að fresta vegna óhagstæðrar veðurspár á föstudaginn en núna er okkur lofað algjörlega frábæru veðri.

Mótið hefst kl. 20:00 á föstudaginn næsta og endar í kringum miðnættið í klúbbhúsinu okkar.

Skráning og nánari upplýsingar er að finna hér: GolfBox Tournament

Sælt veri fólkið

Vegna óhagstæðrar og óvissrar veðurspár þá neyðumst við til þess að fresta golfmótinu um eina viku.  Við vonum að þetta komi sér ekki illa fyrir ykkur en okkur er lofað góðu veðri næsta föstudag.

F.h. mótanefndar.  Gísli B. Ívarsson

Við minnum á að skráningum í Jónsmessumót Dalbúa og Krambúðarinnar lýkur á morgun.

Sú gula er að kíkja á okkur í dag og mun vonandi gera það líka á föstudagskvöldið.

Þá er það fyrsta golfmót sumarsins sem fram fer föstudaginn 25. júní kl. 20:00.

Glæsilegir vinningar og útdráttarvinningar frá Krambúðinni / Samkaup. Skráning er hafin á Golfbox.

Við hlökkum til að sjá ykkur.

Þá liggur fyrir með golfmót sumarsins. Skráningar á mótin munu fara fram í gegnum golfbox.

Þetta verður frábært sumar hjá okkur.

Það tókst einstaklega vel til á hreinsunardeginum hjá okkur 8. maí og í lokin voru grillaðir hamborgarar og boðið upp á kalda drykki. Völlurinn kemur mjög vel undan vetri.

Takk kærlega fyrir samveruna þið sem höfðuð tök á að vera með.

Frá formanni

Kæru félagsmenn, gleðilegt sumar!

Það styttist í opnun vallarins og verður að segjast eins og er að völlurinn kemur mjög vel undan vetri, enda veturinn búinn að vera nokkuð mildur. Vinnudagur er orðin fastur liður á vorin hjá GD en hann er að þessu sinni fyrirhugaður þann 8.maí. Við hefjum daginn klukkan 10:00. Vallarnefndin útdeilir verkefnum sem eru margvísleg að vanda; sanda flatir, setja út tunnur, reisa við bekki, setja út merkingar, hreinsa glompur, gróðursetja og ýmis önnur verk sem nefndin telur mikilvægt vinna. Vonumst við að sjá ykkur sem flest þennan dag en þess má geta að á vinnudeginum í fyrra var met mæting og voru verkin unnin af miklum dugnaði og  móð. Við þökkum öllum þeim sem komu þá og lögðu okkur lið. Að vinnudegi loknum verða hamborgarar og drykkir í boði.

Í vor verður tekin upp rástímaskráning hjá okkur í GD. Þetta er fyrirkomulag sem all flestir golfklúbbar eru með og að sögn afar ánægðir með. Félagsmenn munu geta skráð sig með allt að 4 daga fyrirvara en aðrir kylfingar geta pantað með tveggja daga fyrirvara. Það er því um að gera fyrir félagsmenn að kynna sér betur golfboxið og alla þá möguleika sem það býður upp á. Þeir sem mæta án þess að vera skráðir þurfa að bíða ef einhver er skráður á rástíma, því rástímaskráning hefur forgang. Kúlustandurinn verður fjarlægður þar sem hann er nú orðinn barn síns tíma.  Ef einhver er í vafa hvernig á að skrá sig erum við í stjórn GD boðin og búin að leiðbeina eftir bestu getu.

Hlökkum til að sjá ykkur á vinnudeginum.

Bestu kveðjur,

Bryndís