Golfklúbburinn Dalbúi

Kæru Dalbúar

Vinnudagurinn okkar á Dalbúa verður sunnudaginn 17. maí frá 10:00 – 14:00 eða svo.

Gaman væri að sjá ykkur sem flest en við vonumst eftir því að fá ágætis veður.

Kæru Dalbúar og verðandi Dalbúar

Við erum með nokkrar óafgreiddar inngöngubeiðnir hjá okkur í Dalbúa sem eftir á að setja inn í kerfið hjá okkur og reiknum við með að klára þær beiðnir um miðja næstu viku. Ekki örvænta, þið fáið að vera með okkur.

Þið sem viljið vera með getið sent okkur póst á dalbui@dalbui.is

Hér er verðskráin okkar.

Verðskrá – Golfklúbburinn Dalbúi

Kæru félagar í Dalbúa og aðrir golfarar

Eins og kunnugt er þá lentum við í heitavatnstjóni með golfskálann okkar í janúar þannig að það varð altjón inni í skálanum.

Við höfum samið við verktaka með framkvæmdir á skálaunum og munu í leiðinni stækka skálann aðeins fram og bæta við einu salerni í anddyrið sem golfarar munu fagna en biðin gat stundum verið löng eins og kunnugir þekkja.

Við reiknum með að framkvæmdum við skálann ljúki um miðjan maí þannig að við verðum komin með allt á fullt hjá okkur í starfinu þegar sumarið kemur.

Golfsumarið 2026 er alveg að koma.

Kæru félagar.

Um leið og við þökkum fyrir gott golfsumar þá minnum við á það að völlurinn okkar er núna lokaður öðrum en félagsmönnum og það að lokað er inn á grínin, en settar hafa verið upp vetrarholur.  Við biðjum ykkur svo um það að tía upp úti á velli til þess að forðast að það komi skemmdir í völlinn.

Það hefur gengið vel hjá okkur á vellinum í sumar en félögunum hefur fjölgað nokkuð, við urðum Íslandsmeistarar 5. deildar eftir vel heppnað Íslandsmót á Dalbúa í ágúst og við komum upp vökvunarkerfi fyrir grínin okkar í sumar, svo eitthvað sé nefnt.  Kærar þakkir til allra þeirra sem hafa lagt hönd á plóginn fyrir okkur öll.

Við hlökkum til næsta sumars og þess sem bíður okkar þá.

Góðar Dalbúa kveðjur og hafið það sem allra best í vetur

Gísli B. Ívarsson formaður GD

Ágætu kylfingar

Haustið er að nálgast og þá lokum við vellinum okkar í Miðdalnum.

Völlurinn er núna lokaður fyrir aðra en félagsmenn.

Takk kærlega fyrir frábært sumar. Við tökum fagnandi á móti ykkur næsta vor.

Styrktarmót Dalbúa og DANCO fór fram laugardaginn 30. ágúst í frábæru veðri eins og venjulega.  28 lið eða 56 kylfingar voru skráðir í mótið en allur ágóði af mótinu rennur til uppbyggingar á vellinum í Miðdal og til að styrkja starfsemi klúbbsins okkar.  Leikjaform mótsins var Texas Scramble.

1. sæti.  „Dr. Hjúkk“ á 46 punktum

2. sæti.  „Snædís“ á 44 punktum

3. sæti.  „Sem eitt“ á 43 punktum

Upphafhögg næst holu á 5/14 braut – Jóhann Friðrik Haraldsson

Upphafshögg næst holu á 8/17 braut – Guðmundur Hauksson

Lengsta upphafshögg kvenna á 3/12 braut – Rebekka Gunnarsson

Lengsta upphafshögg karla á 3/12 braut – Guðmundur Hauksson

Í lokin var svo dregið úr skorkortum um veglega vinninga.  Allar konur í mótinu og í skálanum fengu svo sér verðlaun frá DANCO.  Við fengum sérlegan aðstoðarmann til þess að aðstoða við útdráttinn.  Hann átti stórleik þar.

Mótenefnd og stjórn GD þakkar öllum fyrir þátttökuna og óskar verðlaunahöfum til hamingju með árangurinn. Maríu Sigríði Daníelsdóttur, Sigurði Jónssyni og DANCO færum við bestu þakkir fyrir glæsileg og fjölmörg verðlaun og útdráttarverðlaun og stuðning við klúbbinn okkar.