Miðdal, Laugarvatni
Örn Ólafsson golfkennari var með tveggja daga opið námskeið fyrir okkur á Dalbúa síðasta föstudag og laugardag. Í heildina þá mættu tæplega 30 aðilar á öllum aldri til okkar. Farið var yfir pútt, járnin, stutta spilið og vipp á námskeiðinu. Við munum örugglega endurtaka þetta síðar.
Takk kærlega fyrir komuna gott fólk.
Fontana golfmótið, sem er eitt af skemmtilegasta golfmótunum okkar, verður laugardaginn 19. ágúst.
Ræst er á öllum teigum kl. 10:00. Um er að ræða 18 holu punktamót þannig að allir eiga jafna möguleika á að vinna til fjölmargra vinninga sem Fontana, einn af styrktaraðilum Dalbúa, er með á boðstólnum. Einnig verður dregið úr skorkortum.
Gaman væri að sjá ykkur sem flest.
Skráning og frekari upplýsingar eru á golfbox: GolfBox Tournament
25 ára afmælismót Föndru fór fram hjá okkur á Dalbúa laugardaginn 22.júlí í blíðskaparveðri.
42 konur mættu til leiks og almenn gleði og ánægja með þetta skemmtilega mót.
Svona fóru úrslitin :
1.sæti = Gróa Ásgeirsdóttir
2.sæti = Bergþóra Ragnarsdóttir
3.sæti = Margrét Helgadóttir
https://www.golfbox.dk/portal/golf_info/gbtourframe.asp?language=1039#/competition/3977371/results
Næst holu á 5.braut = Heiðrún Hauksdóttir
Lengsta drive á 3.braut = Kristín Eiríksdóttir
Lengsta drive á 7.braut = Hildur Björk Guðmundsóttir
Við þökkum þessum dásamlegu konum fyrir komuna til okkar á Dalbúa og þökkum Föndru og Björgu og Ingvari kærlega fyrir glæsilegt og skemmtilegt mót.
Völlurinn hjá okkur er frábær og við erum með góða félaga í klúbbnum og trausta samstarfs- og styrktaraðila.
Það er gaman að segja frá því að við höfum fengið Örn Ólafsson til þess að mæta til okkar á Dalbúa með golfnámskeið fyrir yngri og eldri þar sem ferið verður yfir pútt, járn, stutta spilið og vipp.
Námskeiðið er opið og verður hjá okkur á æfingarsvæði Dalbúa 11. og 12. ágúst. (sjá auglýsingu)
Látið þetta ekki framhjá ykkur fara.
Skráning fer fram á dalbui@dalbui.is
Konur áttu völlinn hjá okkur í dag. 25 ára afmælismót Föndru. Mikið grín og mikið gaman.
Þá er það næsta mót hjá okkur á Dalbúa en að þessu sinni þá er það Kvennamót Föndru, en þau fagna nú 25 ára afmæli.
Við hvetjum allar konur á öllum getustigum til þess að skrá sig í þetta skemmtilega mót og taka vinkonur með á okkar dásamlega fallega völl.
Hérna skráið þið ykkur. GolfBox Tournament
Meistaramót Dalbúa fór fram helgina 15. og 16. júlí í ágætis veðri og eru Anthony Karl Flores og Sigrún María Ingimundardóttir klúbbmeistarar 2023. Leikinn var 2 x 18 höggleikur með og án forgjafar og síðan var bætt við auka flokki þar sem leikið var 2 x 9 holu keppni sem hentar vel fyrir suma félaga okkar. Eiríkur Þorláksson félagi okkar og gjaldkeri var ræsir á mótinu og fór vel yfir staðarreglur og almennar reglur.
Úrslit í höggleik var þannig að Anthony Karl Flores var í 1. sæti hjá körlum á 170 höggum og Sigrún María Ingmundardóttir í 1. sæti hjá konum á 186 höggum. Í 2. sæti í höggleik voru svo Guðmundur Hauksson og Anna Svandís Helgadóttir og í 3. sæti urðu svo Örn Helgi Haraldsson og og Ása Þorkelsdóttir. Í höggleik með forgjöf voru svo Þorvaldur Ingimundarson og Sveinbjörg Ingvarsdóttir í 1. sæti, í 2. sæti urðu svo Þórður Heiðar Jónsson og Bryndís Scheving og í 3. sæti enduðu Eyjólfur Óli Jónsson og Valgerður Sveinbjörnsdóttir. Í auka flokknum, sem kom nýr í ár, inn var svo Ólafur Ragnar Ingvarsson í 1. sæti hjá körlum og Guðbjörg Ingólfsdóttir hjá konum, í 2. sæti urðu svo Arnar Olsen Richardsson og Klara Lísa Hervaldsdóttir. Benedikt Guðmundsson og Björg Benediksson voru svo í 3. sæti þar. Í restina var svo dregið um allskonar golf glaðninga úr skorkortum þeirra sem ekki höfðu unnið til verðlauna.
Almenn ánægja þátttakenda er með tveggja daga fyrirkomulag á meistaramótinu og þessa þrjár mismunandi flokka og verður það örugglega endurtekið næsta ár.
Stjórn og mótanefnd GD óskar öllum vinningshöfum til hamingju með góðan árangur og þakkar öllum þeim sem tóku þátt og minnir á kvennamót Föndru sem fram fer næsta laugardag.
Sigrún María Ingimundardóttir og Anthony Karl Flores sigruðu meistaramót Dalbúa sem fram fór um helgina. Úrslitum verða gerð betri skil síðar í vikunni.
Það verður gott og skemmtilegt hjá okkur á meistaramótinu um helgina.
Skráningu lýkur á morgun: GolfBox Tournament
