Aðalfundur

Kæru félagsmenn

Á morgun verður aðalfundur GD haldinn á Stórhöfða 31, 3. hæð í fundarherbergi Heklu, -vestur salur klukkan 19:30, inngangur frá Stórhöfða 31. Fundurinn verður einnig á Zoom fyrir þá sem það vilja. Núverandi samkomutakmarkanir miðast við 50 manns en salurinn sem um ræðir er fyrir 20 manns og er því svigrúm fyrir nokkra félagsmenn. Öllum sóttvörnum verður fylgt eftir eins og vera ber. Þeir sem vilja mæta á staðinn eru beðnir að senda formanni staðfestingu á mætingu.

Hlökkum til að hitta ykkur sem flest á morgun, annaðhvort í eigin persónu eða á netinu.

Kaffi og meðlæti verður á staðnum.

Hlekkur á fundinn fyrir þá sem það kjósa: https://eu01web.zoom.us/j/62829575215

Bestu kveðjur,

Bryndís Scheving, formaður GD

Aðalfundur

Kæru félagar

Aðalfundur GD verður haldinn fimmtudaginn 2. desember klukkan 19:30. Fundurinn verður líkt og á síðasta ári fjarfundur.  Fjarfundur gefur félagsmönnum tækifæri til þess að vera með á fundinum og hafa atkvæðisrétt um þau mál sem lögð vera fyrir á fundinum. 

Hlekkur á fundinn verður sendur félagsmönnum þegar nær dregur.

Með von um góða mætingu á fundinn.

Kærar kveðjur,

f.h. stjórnar

Bryndís Scheving, formaður GD

Ruglað lokamót Dalbúa

Lokamót Dalbúa var 18. september en hefð er fyrir því að allskonar rugl og öðruvísi sé í gangi í þessu síðasta golfmóti sumarsins.

Sigurvegarar mótsins voru fundnir þannig að fyrirfram vara ákveðið að þeir spilara sem myndu lenda í ákveðnum sætum myndu búa til lið og fór það þannig að eftirfarandi aðilar skipuðu sigurliðið:  Logi Knútsson, Heiðrún Hauksdóttir, Sindri Snær Oddgeirsson, Anna Sigríður Erlingsdóttir og Eva Ægisdóttir.  Allir þessir sigurvegara mótsins fengu vegleg peningaverðlaun um hálsinn.

Önnur verðlaun voru sem hér segir:

1. braut = næst holu á flöt í 2 höggum  – Sindri Snær Oddgeirsson

3. braut = lengsta högg karla á braut eftir upphafshögg – Jón Oddur Davíðsson

3. braut = lengsta högg kvenna á braut eftir upphafshögg – Anna Sigríður Erlingsdóttir

5. braut = næst holu eftir upphafshögg – Guðni Kristinn Elíasson (1,02m)

6. braut = lengsta fjarlægð karla á braut af upphafsteig eftir 2 högg – Sindri Snær Oddgeirsson

6. braut = lengsta fjarlægð kvenna á braut af upphafsteig eftir 2 högg – Anna Svandís Helgadóttir

9. braut = næst miðju eftir upphafshögg – Klara Lísa Hervaldsdóttir (0,35m)

Dregið var svo úr öllum skorkortum þeirra sem tóku þátt en við náum að safna saman fjölmörgum glæsilegum verðlaunum þannig að það þurfti að taka aðra umferð í útdrætti úr skorkortum.  Kærar þakkir til allra sem lögðu sitt af mörkum þar.

Eftir mótið voru grillaðir hamborgar sem boðið var upp á.

Við þökkum öllum kærlega fyrir þátttökuna í lokamóti Dalbúa og þökkum einnig fyrir góða þátttöku í golfmótum sumarsins.

Við sjáumst næsta sumar

Skráning í ruglað lokamót Dalbúa

Kæru Dalbúar

Skráningu í lokamótið okkar lýkur á morgun föstudag kl. 20:00 en það spáir bara ágætlega miðað við veðurspánna inni á Blika.is

Eins og hefð er fyrir þá verður allskonar rugl í gangi hjá okkur á lokamóti og fullt af glæsilegum og skemmtilegum vinningum sem dregnir verðar úr skorkortum.

Hér er allskonar sem verður öðruvísi.

1. braut = næst holu eftir tvö högg á flöt

2 högg á flöt

3. braut = lengsta högg á braut eftir upphafshögg

5. braut = næst holu eftir upphafshögg

6. braut = lengsta fjarlægð á braut af upphafsteig eftir 2 högg

8. braut = næst holu eftir upphafshögg

9. braut = næst miðju eftir upphafshögg

Við munum setja saman 3-4 manna leikmannalið eftir fyrirfram ákveðinni röð, þegar búið verður að slá inn skorkortin.

Það lið sem skorar best verður sigurvegarar mótsins.

Við munum svo bjóða upp á hamborgara og hafa góða stund í klúbbhúsinu eftir allt ruglið.

Skráning er hér: GolfBox Tournament

Lokamót Dalbúa verður 18. september.

Þar sem sumri er farið að halla og stutt eftir af golftímabilinu langar okkur í stjórninni að hafa mót fyrir félagsmenn laugardaginn 18.09.2021. Ræst verður út á öllum teigum kl. 10:00

Það væri gaman að hitta sem flesta, spila léttan og líflegan golfhring og enda daginn á grillveislu þar sem tækifæri gefst til þess að spjalla og skemmta sér saman.

Að þessu sinni verður golfmótið 9 holu punktamót og eiga því allir félagsmenn góða möguleika á verðlaunasætum!

Félagsmenn eru hvattir til að fjölmenna á þetta síðasta mót sumarsins og gera sér glaðan dag saman!

Skráning og frekari upplýsingar eru hér: GolfBox Tournament

Lið DANCO sigraði styrktarmót Dalbúa

Styrktarmót Dalbúa og DANCO fór fram laugardaginn 4. september í ágætis veðri.  23 lið eða 46 kylfingar tóku þátt í mótinu en allur ágóði af mótinu rennur til uppbyggingar á vellinum í Miðdal og til að styrkja starfsemi klúbbsins okkar.  Leikjaform mótsins var Texas Scramble.

Gaman er að segja frá því að þrír ættliðir spiluðu saman í holli í mótinu en það voru þeir Sæmundur Árnason, Oddgeir Sæmundsson, Sindri Oddgeirsson og fylgdi Ragnar Þórisson svo með þeim til þess að fylla hollið.

Úrslitið voru sem hér segir:

1. sæti.  „DANCO“ (Sigurður Jónsson/Óskar Gísli Óskarsson)

2. sæti.  „Þvert á leið“ (Sindri Snær Oddgeirsson/Oddgeir Sæmundsson)

3. sæti.  „Vesturey“ (Anna Elín Bjarkadóttir/Jóhann Rúnar Björgvinsson)

Upphafhögg næst holu á 5/14 braut – Arna Hilmarsdóttir (56 cm)

Upphafshögg næst holu á 8/17 braut – Oddgeir Sæmundsson (1,46 m)

Lengsta upphafshögg kvenna á 3/12 braut – Laufey Erlendsdóttir

Lengsta upphafshögg karla á 3/12 braut – Gunnar Geir Gústafsson

Mótenefnd og stjórn GD þakkar öllum fyrir þátttökuna og óskar verðlaunahöfum til hamingju með árangurinn. DANCO færum við bestu þakkir fyrir glæsileg og fjölmörgum verðlaun og útdráttarverðlaun og stuðning við klúbbinn okkar.  Fulltrúar DANCO afþökkuðu vinninga en þáðu verðlaunapeningana. 

Hér fylgja með nokkrar myndir frá mótinu.

Skráning vegna styrktarmóts Dalbúa og DANCO

Skráning í Texas scramble styrktarmót Dalbúa og DANCO er til kl. 20:00 föstudaginn 3. september.

Ef þið eruð ekki með meðspilara er hægt að senda skeyti á gisli@igf.is og við gerum hvað við getum til þess að finna meðspilara. Einnig munum við reyna að verða við séróskum um holl til þess að spila með.

Fyrir mót mun DANCO bjóða upp á smá bakkelsi og kaffi en þeir eru styrktaraðilar þessa móts og klúbbsins okkar og eiga þeir bestu þakkir skildar.

Skráning og frekari upplýsingar er að finna hérna. GolfBox Tournament

Ágætu kylfingar

Þá er það komið að styrktarmóti golfklúbbsins Dalbúa og DANCO heildverslunar en það verður laugardaginn 4. september.

Um er að ræða 18 holu Texas scramble mót og er fólk beðið um að skrá sig sem lið og gefa upp með hverjum þau vilja helst spila í holli.

Við lofum góðri skemmtun og félagsskap.  Þetta verður geggjað.

Skráning og frekari upplýsingar er að finna hérna.

GolfBox Tournament