Author: umsjon

Hverjir verða meistarar golfklúbbsins Dalbúa á laugardaginn?

Skráningar og frekari upplýsingar er að finna hér.  https://golfbox.dk/livescoring/tour/?language=1039&fbclid=IwAR1P51jcFV2g5Hb8kGsH8L-uj2uU95uJi7s4hDehImImDS6U67X7EbcAeoE#/competition/2450276/info 

Meistaramót Dalbúa fer fram 11. júlí. 

Fyrsta ræs verður kl. 10:00 á fyrsta teig. Gaman væri að sjá ykkur sem allra flest.

Nánar auglýst þegar nær dregur.

Takið daginn endilega frá. Nánari upplýsingar og skráning er að finna á golfbox.is  https://golfbox.dk/livescoring/tour/?language=1039#/competition/2450276/info 

Jónsmessumót golfklúbbsins Dalbúa fór fram laugardaginn 20. júní. Búið var að lofa góðu veðri en rétt eftir að kylfingar lögðu í hann upp úr kl. 10:00 stytti upp og hélst þurrt það sem eftir lifði dagsins.  Leikið var eftir Greensome fyrirkomulagi.

Úrslit mótsins voru þannig að Helgi Jökull Hilmarsson og Sveinn Ingvar Hilmarsson vorur í 1. sæti með 79 högg, í 2. sæti voru Antony Karl Flores og Eyjólfur Óli Jónsson á 81 höggi og í 3. sæti voru  Ragnar Þórisson og Sæmundur Árnason á 83 höggum.  Önnur úrslit voru svo að Klara Lísa Hervaldsdóttir var með lengsta högg kvenna á þriðju holu en Antony Karl Flores var með lengsta högg hjá körlum. Antony Karl Flores var svo næstir holu á 5. braut og Eyjólfur Óli Jónsson á 8. braut.

Stjórn og mótanefnd GD þakkar öllum sem tóku þátt og minna á næsta mót sem er Meistaramótið sem fram fer 11. júlí. 

Ingimundur Kr. Ingimundarson, einn af stofnfélögum Golfklúbbsins Dalbúa, verður jarðsunginn frá Áskirkju í dag.

Honum til heiðurs flöggum við í hálfa stöng í dag.

Það er góð veðurspá fyrir Jónsmessumótið sem hefst á morgun kl. 10:00. Skráning er hér: https://www.golfbox.dk/portal/golf_info/gbtourframe.asp?selected=%7BCC74A204-A100-4547-9A48-63BF5E02C2D2%7D&language=1039&#/competition/2450265/info

Við sjáumst á morgun og eigum saman góðan dag.

Fyrsta golfmót sumarsins hjá Golfklúbbnum Dalbúa verður árvissa Jónsmessumótið okkar og eigum við von á góðri þátttöku og reiknum með góðu veðri þannig að við fáum að njóta blíðunnar og frábæra vallarins okkar sem allra best.

Mótið hefst kl 10.00 og verður ræst út á öllum teigum og eru keppendur beðnir um að skrá sig á netinu og mæta tímanlega á keppnisdegi.

Við munum leika 18 holur eftir Greensome fyrirkomulagi, tveir spila saman.     Skráning á Golfbox

Nánari upplýsingar á golf.is eða í golfskála Dalbúa í Miðdal.

Það var góð mæting og gott veður á vinnudeginum okkar í gær, laugardag, en rúmlega 30 manns mættu á svæðið og lögðu hönd á plóginn, en Haraldur formaður vallarnefndar, Eyjólfur Óli, Anthony, ásamt Bryndísi formanni deildu út verkefnum og stýrðu framkvæmdum.

Í lok dagsins var boðið upp á veitingar í vökva og föstu formi og tóku einhverjir golfhring í kjölfarið.

Nú er völlurinn formlega opnaður og þykir hann koma mjög vel undan vetri.

Gleðilegt golf sumar og takk fyrir góðan og vel sóttan vinnudag.

Við minnum á vinnudaginn, laugardaginn 16.maí klukkan 10.00. Veðurspáin er okkur hagstæð og verkefnin næg. Væri gaman að sjá sem flesta félagsmenn og konur. Stefnt er að opnun vallarins í kjölfarið og því ekk úr vegi að spila eins og einn hring að loknu góðu dagsverki.

Hlýjar og bjartar kveðjur, stjórn GD