Golfklúbburinn Dalbúi

Á Fontana móti Dalbúa síðustu helgi afhenti Eiríkur Þorláksson félagi okkar Jóni Gunnarssyni verðlaunagrip sem hann átti í klúbbhúsinu fyrir framfararverðlaun sem veitt voru árlega fyrir nokkrum árum síðan.  Jón Gunnarsson mun spila fyrir okkar hönd í Íslandsmóti 5. deildar næstu helgi.  Mótið fer fram hjá okkur á Dalbúa.

Hugmyndin að framfaraverðlaunum Golfklúbbsins Dalbúa var sú að verðlauna árlega þann félagsmann sem hafði sýnt mestar framfarir á tilteknu golftímabili, þ.e. hverju ári fyrir sig. Þá var tekið yfirlit yfir stöðu forgjafar hjá hverjum og einum félagsmanni í upphafi árs, og síðan aftur að lokinni golfvertíð (miðað var við 1. október) og framfarir innan ársins reiknaðar samkvæmt ákveðinni formúlu var heimatilbúin, en talin endurspegla nokkuð vel erfiðleikastuðul þeirrar lækkunar sem um var að ræða hverju sinni (t.d. væri erfiðara að lækka úr 20 í 10 en úr 30 í 20, erfiðara væri að lækka úr 10 í 5 heldur en úr 15 í 10 o.s.frv.).

Framfaraverðlaun GD voru veitt í sex ár samfleytt, frá 2011 til 2016, og öll árin voru það unglingar innan klúbbsins, sem hlutu viðurkenningu hvers árs fyrir sig.

2011 Bragi Arnarson (f. 1997, þá 14 ára)

2012 Kristófer Dagur Sigurðsson (f. 1998, þá 13 ára)

2013 Kristófer Dagur Sigurðsson (f. 1998, þá 14 ára)

2014 Jón Gunnarsson (f. 2001, þá 13 ára)

2015 Jón Gunnarsson (f. 2001, þá 14 ára)

2016 Jón Gunnarsson (f. 2001, þá 15 ára) 

– Á þessum þremur árum lækkaði forgjöfin hjá Jóni samtals úr 12,4 í 5,2.

Bikarinn sem Jón fékk afhentan á laugardag hafði verið veittur fyrir árið 2015, en hafði einhverra hluta vegna ekki áður verið afhentur en sat í hillu í klúbbhúsi GD.

Skráning er í fullum gangi: GolfBox Tournament

Næsta mánudag, 7. júlí, reiknum við með því að grafa fyrir og setja niður vatnslagnir við grínin hjá okkur. Stefnt er að því að klára hvert grín fyrir sig og fara yfir á það næsta.

Það er von okkar að þetta trufli golfara ekki en þið megið gjarnan vinka þeim sem sinna þessu fyrir okkur og þakka þeim fyrir þeirra störf.

Okkur og vallarnefnd vantar nokkrar vinnufúsar hendur til þess að klára þetta verk á sem skemmstum tíma og biðjum við ykkur sem hafið tök á því um það að vera í sambandi við Harald Ólafsson formann vallarnefndar um það í síma 664 0370.

Við minnum svo á meistaramótið okkar sem hefst á morgun föstudag kl. 14:00.

Við hvetjum alla Dalbúa til þess að taka þátt og skrá sig Meistarmót Dalbúa. Möguleiki á mismunandi leikjaformi við allra hæfi.

Frekari upplýsingar og skráning er hérna: GolfBox Tournament

Ágætu golfarar
Victor Viktorsson golfkennari verður hjá okkur á Dalbúa á morgun laugardaginn 14. júní kl. 16:00 og segir okkur til með vippin.

Komið endilega við hjá okkur og fræðist og lærið af þessum frábæra golfkennara.

Við erum mjög þakklát fyrir fjölmarga sjálfboðaliða og samstarfs- og styrktaraðila klúbbsins okkar.

Takk fyrir ykkur öll.

Við á Dalbúa hófum sumarstarfið okkar föstudaginn 16. maí og var fjölmenni á vellinum alla helgina.  Það er frábært að geta opnað völlinn á þessum tíma en fulltrúar vallarnefndar og stjórnar og nýr vallarstjóri hafa verið að vinna í vellinum og er hann mjög góður í upphafi sumars.

Pallurinn við skálann hjá okkur var vel setinn en Guðbjörg, Björg, Klara Lísa og Jóna stóðu vaktina í skálanum og var nóg að gera hjá þeim að taka á móti glöðum kylfingum.  Sigga Dóra okkar var búinn að undirbúa allt til þess að taka á móti gestum vallarins og öðrum.

Takk kærlega fyrir komuna og gleðilegt golf sumar.

Við opnun fallega Dalbúa á morgun föstudaginn 16. maí.

Það verður gaman að sjá ykkur og góða skemmtun.

Það var fínasta mæting á vinnudegi hjá okkur sunnudaginn 11. maí þar sem nýir og eldri félagar mættu og tóku til hendinni.  Dagana á undan voru félagar úr vallarnefnd og sjálboðaliðar búnir að sinna ýmsum verkefnum. Takk kærlega fyrir ykkar framlag.  Sigga Dóra sem mun sinna skálanum fyrir okkur í sumar mætti á svæðið og tók þátt í því að undirbúa í skálanum. Sömuleiðis mætti Júlíus Pálsson sem er nýr vallarstjóri hjá okkur.  Hann er spenntur og hlakkar til að sinna vellinum fyrir okkur í sumar.    

Þetta sumarið erum við svo að taka í notkun stóran slátturróbóta sem mun slá hjá okkur stærri svæði.  Eins þá erum við komin með nýjan golfbíl í okkar þjónustu þannig að við erum með einhverjar nýjungar í upphafi sumars.  Við erum svo byrjuð að undirbúa vökvunarkerfi fyrir grínin. Völlurinn kemur nokkuð vel undan vetri en þegar þetta er sett inn þá er búið að slá allan völlinn og búið er að snyrta og fylla á bönkera og við opum völlinn föstudaginn 16. maí.

Þetta sumar verður gott hjá okkur á Dalbúa og við hlökkum til að taka á móti ykkur og erum þakklát öllum þeim sjálfboðaliðum sem leggja okkur lið með starfið hjá okkur. 

Gleðilegt golf hjá okkur á Dalbúa

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

• 

Kæru Dalbúar

Vinnudagurinn okkar verður sunnudaginn 11. maí frá 10:00 – 14:00 eða svo. Gaman væri að sjá ykkur sem flest en okkur er lofað góðu veðri.

Við gerum svo ráð fyrir fomlegri opnun á vellinum föstudaginn 16. maí.