Golfklúbburinn Dalbúi

Það er hagkvæmt að vera félagi í Dalbúa

Þekkið þið ekki einhvern sem hefði áhuga á að sjá um slátt og viðhald á golfvellinum okkar næsta sumar?

Þekkið þið ekki einhverja aðila sem hefðu áhuga á að starfa fyrir golfklúbbinn okkar næsta sumar?

Vinsamlega sendið fyrirspurnir á dalbui@dalbui.is eða með skilaboðum hér inni. Eins er hægt að hringja í formann Dalbúa í síma 8405790.

Lokamót Dalbúa var 21. september og spilað var 9 holu Texas scramble keppni.

Að þessu sinni vorum við með tveggja liða Bændaglímu þar sem annað liðið var rautt og hitt var blátt.  Gísli B. Ívarsson formaður var bóndi fyrir bláa liðið Bryndís Scheving fyrrum formaður fyrir rauða liðið.  Rauða liðið sigraði þetta árið.

Dregið var svo úr öllum skorkortum þeirra sem tóku þátt en við náðum að safna saman fjölmörgum glæsilegum vinningum frá styrktaraðilum og félögum og því fengu allir vinning og þegar allir voru búnir að fá vinning var haldið áfram að drega út skorkortum.

Eftir mótið var svo grillað lambalæri sem Júlli félagi okkar sá um.  Þarna sannaðist það að þröngt mega sáttir sitja.

Við þökkum öllum kærlega fyrir þátttökuna í lokamóti Dalbúa og þökkum einnig fyrir góða þátttöku í golfmótum sumarsins og takk fyrir sumarið.

Við sjáumst næsta sumar

Ágætu kylfingar

Haustið er að nálgast og þá lokum við vellinum okkar í Miðdalnum.

Á morgun föstudag verða grínin götuð en búið er að taka saman okkar búnað og koma í geymslu. Völlurinn er núna lokaður fyrir aðra en félagsmenn.

Takk fyrir sumarið

Fallinn er frá Páll Ólafsson fyrrum formaður Golfklúbbsins Dalbúa 58 ára að aldri.

Páll var ásamt nokkrum öðrum stórhuga félögum einn af stofnendum GD árið 1989 þá ungur að árum.

Páll gengdi ýmsum störfum fyrir GD í gegnum árin sem hann vann með miklum sóma má þar nefna gróðursetningu trjáa, gerð tjarnarinnar á golfvellinum, heimasíðugerð og margt annað gott sem hann skilaði af sér til klúbbsins.

Páll var bæði í stjórn og varaformaður GD til fjölda ára.  Formennsku gengdi hann frá 2008 til 2017.

Stjórn Golfklúbbsins minnist Páls með miklu þakklæti fyrir vel unninn störf í gegnum árin. Við vottum fjölskyldunni, eiginkonu, syni og föður Páls honum Ólafi Pálssyni heiðursfélaga í GD okkar innilegustu samúðarkveðjur á þessum sorgartíma. Megi minning hans lifa.

Stjórn Golfklúbbsins Dalbúa

Danco styrktarmótið okkar skemmtilega verður 31. ágúst. Fyrstir koma fyrstir fá.

Hér eru frekari upplýsingar og skráning: GolfBox Tournament

Þá er það skemmtilega Fontanamótið okkar laugardaginn 10. ágúst. Skráning og frekari upplýsingar er að finna hérna fyrir neðan.

GolfBox Tournament