Author: umsjon

Við reiknum með að opna hjá okkur á fallega Dalbúa á föstudaginn næsta. Gaman verður að sjá ykkar á vellinum okkar í sumar.

Það var fín mæting á vinnudegi hjá okkur laugardaginn 18. maí þar sem nýir og eldri félagar mættu og tóku til hendinni.  Helgina áður mættu svo nokkrir félagar og tóku til í skálanum. Takk kærlega fyrir ykkar framlag.  Við fengum svo að hitta Siggu Dóru Matthíasdóttur sem verður með Katrínu okkar í skálanum í sumar. 

Enn liggur ekki fyrir hvenær við opnum völlinn formlega en það styttist á það og við munum láta ykkur vita. Eyjólfur vallarstjóri man ekki eftir jafn góðu ástandi á grínum á vellinum í upphafi sumars.

Þetta sumar verður gott hjá okkur á Dalbúa og við hlökkum til að taka á móti ykkur.

• 

• 

• 

• 

• 

• 

• 

• 

Kæru Dalbúar!

Við í Golfklúbbnum Dalbúa ætlum að vera með vinnudag laugardaginn 18. maí. Á vinnudegi verða verkefnin þau sömu og við þekkjum frá fyrri vinnudögum. Mæting kl. 10:00 og við reiknum með að klára í kringum 14:00.

Vallarnefndin okkar mun eins og áður skipuleggja það sem gera þarf en það væri afar ánægjulegt að sjá ykkur sem flest þennan dag, því margar hendur vinna létt verk.

Sérstaklega væri gaman að sjá nýja félagsmenn en þeir hafa á þessum degi tækifæri til að kynnast félagsmönnum og mynda tengsl sín á milli.

Að loknum vinnudegi verður eitthvað gott í gogginn fyrir vinnumenn/konur og eitthvað fljótandi með.

Góðar Dalbúa kveðjur

Gísli B. Ívarsson formaður GD

Þessir “gaurar” bíða eftir því að komast út að vinna.

Næsta laugardagsmorgun frá 10:00 – 12:00 ætlum við að mæta nokkur í skálann okkar og þrífa aðeins og gera skálann kláran fyrir sumarið en við opnum völlinn vonandi fljótlega.

Margar hendur vinna létt verk.

Gleðilegt sumar ágætu kylfingar

Við erum á því að Dalbúi sé fallegasti og skemmtilegasti sveitavöllurinn á Íslandi, og það er hagstætt og gott að vera félagi í Golfklúbbnum Dalbúa.